گمان میں ہے یقین جیسے

گمان میں ہے یقین جیسے

اگل دے سونا زمین جیسے

ہوں قید شام و سحر میں ایسے

صدا بہ لب ہو مشین جیسے

میں آسماں کی پناہ میں ہوں

زمیں کے منظر حسین جیسے

شب تمنا کے چاند تارے

ہوں اپنے گھر میں مکین جیسے

ہیں میرے اندر کے سانپ باہر

ہے میرے ہونٹوں پہ بین جیسے

نہ کوئی سبزہ نہ بیل بوٹا

شجر ہے صحرا نشین جیسے

تو مورتوں میں بھی جان آئے

جھکا دے سر مہہ جبین جیسے

guman mein hai yaqin jaise

ugal de sona zamin jaise

hun qaid-e-sham-o-sahar mein aise

sada ba lab ho mashin jaise

main asman ki panah mein hun

zamin ke manzar hasin jaise

shab-e-tamanna ke chand tare

hun apne ghar mein makin jaise

hain mere andar ke sanp bahar

hai mere honton pe bain jaise

na koi sabza na bel buta

shajar hai sahra nashin jaise

tu muraton mein bhi jan ae

jhuka de sar maha jabin jaise