دلوں میں مدحت رحمان ہم بھی رکھتے ہیں

دلوں میں مدحت رحمان ہم بھی رکھتے ہیں

وقار عظمت قرآن ہم بھی رکھتے ہیں

شعور و فکر تو ہر آن ہم بھی رکھتے ہیں

برے بھلے کی تو پہچان ہم بھی رکھتے ہیں

کہو نہ مردہ ہمیں جان ہم بھی رکھتے ہیں

رگوں میں خون کا دوران ہم بھی رکھتے ہیں

ہمیں بنایا گیا ہے صداقتوں کا امیں

دلوں میں جذبۂ ایمان ہم بھی رکھتے ہیں

تم اپنے ظلم کو روکو نہ ہم سے ٹکراؤ

وگرنہ قوت سلطان ہم بھی رکھتے ہیں

کسی بھی ضرب سے ہرگز خطا نہیں ہوں گے

سروں میں اپنے وہ اوسان ہم بھی رکھتے ہیں

کسی کے ساتھ کم و بیش کا عمل نہ کرو

نظر کے سامنے میزان ہم بھی رکھتے ہیں

بس ایک تم ہی نہیں یاسؔ حق پرستوں میں

خدا کی ذات پہ ایمان ہم بھی رکھتے ہیں

dilon mein midhat rahman ham bhi rakhte hain

waqar-e-azmat quran ham bhi rakhte hain

shuur-o-fikr to har an ham bhi rakhte hain

bure bhale ki to pahchan ham bhi rakhte hain

kaho na murda hamen jan ham bhi rakhte hain

ragon mein khun ka dauran ham bhi rakhte hain

hamen banaya gaya hai sadaqaton ka amin

dilon mein jazba-e-iman ham bhi rakhte hain

tum apne zulm ko roko na ham se takrao

wagarna quwwat sultan ham bhi rakhte hain

kisi bhi zarb se hargiz khata nahin honge

saron main apne wo ausan ham bhi rakhte hain

kisi ke sath kam-o-besh ka amal na karo

nazar ke samne mizan ham bhi rakhte hain

bas ek tum hi nahin yas haq paraston mein

khuda ki zat pe iman ham bhi rakhte hain