میں بھی ہوں تنگ کب سے تم بھی ہو تنگ کب سے

میں بھی ہوں تنگ کب سے تم بھی ہو تنگ کب سے

حالات کی سپہ سے جاری ہے جنگ کب سے

میری سماعتوں سے ٹکرا رہے تھے ہر دم

خاموش ہو گئے ہیں وہ جل ترنگ کب سے

دشت سفر میں کتنے طوفان سر سے گزرے

تنہا بھٹک رہی ہے کٹ کر پتنگ کب سے

سورج کی روشنی ہے جگنو نہ لمس تاباں

ہے تن بدن سے لپٹی اندھی سرنگ کب سے

سب لوگ پیاس کے ہیں جنگل میں غرق شاید

رہ رہ کے چیختا ہے یہ انگ انگ کب سے

خوشبو کے سلسلے کا رشتہ تھا جس سے قائم

لے کر ہجوم میں ہے وہ بھی تو سنگ کب سے

چل کر ظفرؔ چھڑا دیں کچھ آب تازہ دے دیں

ہر لحظہ کھا رہا ہے ذہنوں کو زنگ کب سے

main bhi hun tang kab se tum bhi ho tang kab se

halat ki sipah se jari hai jang kab se

meri samaaton se takra rahe the har dam

khamosh ho gae hain wo jal tarang kab se

dasht-e-safar mein kitne tufan sar se guzre

tanha bhatak rahi hai kat kar patang kab se

suraj ki raushni hai jugnu na lams-e-taban

hai tan badan se lipti andhi surang kab se

sab log pyas ke hain jangal mein gharq shayad

rah rah ke chikhta hai ye ang ang kab se

khushbu ke silsile ka rishta tha jis se qaim

le kar hujum mein hai wo bhi to sang kab se

chal kar zafar chhura den kuchh ab taza de den

har lahza kha raha hai zehnon ko zang kab se