واقعہ میرے نہ تن اور سر کا ہے

واقعہ میرے نہ تن اور سر کا ہے

سامنا ہر روح کو خنجر کا ہے

ٹوٹ جاتا صرف شیشہ بات تھی

مسئلہ تو آج ہر پتھر کا ہے

ساز پائل گیت اور ٹھنڈی ہوا

خواب آنکھوں میں یہ ہر پیکر کا ہے

گھر میں رہ کر قلب پر بار الم

ذہن پر اک بوجھ بھی دفتر کا ہے

دور تک اڑتے ہوئے یہ بال و پر

راستہ شاید کسی شہ پر کا ہے

آگے آگے ہے اگر تنہا ظفرؔ

پیچھے پیچھے شور بھی لشکر کا ہے

waqia mere na tan aur sar ka hai

samna har ruh ko khanjar ka hai

tut jata sirf-e-shisha bat thi

masala to aj har patthar ka hai

saz pail git aur thandi hua

khwab ankhon mein ye har paikar ka hai

ghar mein rah kar qalb par bar-e-alam

zehn par ik bojh bhi daftar ka hai

dur tak urte hue ye bal-o-par

rasta shayad kisi shah par ka hai

age age hai agar tanha zafar

pichhe pichhe shor bhi lashkar ka hai