اب کے ترے گھر جو آئیں گے ہم

اب کے ترے گھر جو آئیں گے ہم

پھر یہاں سے کہیں نہ جائیں گے ہم

مانند نسیم تجھ کو ہر صبح

اے غنچہ وہاں ہنسائیں گے ہم

جو تیری زبان سے آئے کہیو

ٹک منہ تو تو منہ لگائیں گے ہم

پی کر ترے منہ کی گالیاں بھی

ان ہاتھوں کی مار کھائیں گے ہم

لوہو ترا پانی کر کے تجھ کو

بادہ کی جگہ پلائیں گے ہم

پہر ہم کہے یہ تیری خاطر

یہ جو کہیں سب اٹھائیں گے ہم

اب تو تری بندگی میں آئے

جس طرح اٹھے اٹھائیں گے ہم

سن یار کہا کہ تجھ کو ایجادؔ

ان باتوں ستی دکھائیں گے ہم

ab ke tire ghar jo aenge ham

phir yahan se kahin na jaenge ham

manind-e-nasim tujh ko har subh

ai ghuncha wahan hansaenge ham

jo teri zaban se ae kahiyo

tuk munh to to munh lagaenge ham

pi kar tire munh ki galiyan bhi

in hathon ki mar khaenge ham

lohu tira pani kar ke tujh ko

bada ki jagah pilaenge ham

pahar ham kahe ye teri khatir

ye jo kahin sab uthaenge ham

ab to tiri bandagi mein ae

jis tarah uthe uthaenge ham

sun yar kaha ke tujh ko ijad

in baton sati dikhaenge ham