رخصت یار کا مضمون بمشکل باندھا

رخصت یار کا مضمون بمشکل باندھا

دل نہ بندھتا تھا کسی طور بڑا دل باندھا

ہم نے بھی باندھ لیا زیست کا اسباب وہیں

جب سنا یار سفر دار نے محمل باندھا

ہم نے اس چہرے کو باندھا نہیں مہتاب مثال

ہم نے مہتاب کو اس رخ کے مماثل باندھا

اور کیا باندھتے ساماں میں بہ ہنگام سفر

صرف دامن میں خس کوچۂ قاتل باندھا

ہم جو ہر گام سے پیمان وفا باندھتے تھے

آخرش ہم نے بھی عزم سر منزل باندھا

rukhsat-e-yar ka mazmun bamushkil bandha

dil na bandhta tha kisi taur bara dil bandha

ham ne bhi bandh liya zist ka asbab wahin

jab suna yar-e-safar dar ne mahmil bandha

ham ne is chehre ko bandha nahin mahtab misal

ham ne mahtab ko us rukh ke mumasil bandha

aur kiya bandhte saman mein ba hangam-e-safar

sirf-e-daman mein khas-e-kucha-e-qatil bandha

ham jo har gam se paiman-e-wafa bandhte the

akhirash ham ne bhi azm-e-sar-e-manzil bandha