میں بھی بے انت ہوں اور تو بھی ہے گہرا صحرا

میں بھی بے انت ہوں اور تو بھی ہے گہرا صحرا

یا ٹھہر مجھ میں یا خود میں مجھے ٹھہرا صحرا

روح میں لہر بناتے ہیں تری لہروں سے

اور کچھ دیر مرے سامنے لہرا صحرا

آنکھ جھپکی تھی بس اک لمحے کو اور اس کے بعد

میں نے ڈھونڈا ہے تجھے زندگی صحرا صحرا

اپنی ہستی کو بکھرنے سے بچا لینا تم

مجھ پہ مت جانا مری جان میں ٹھہرا صحرا

میرے لہجے کا سمندر ہی نہیں سوکھا ہے

لٹ گیا تیری ہنسی کا بھی سنہرا صحرا

main bhi be ant hun aur tu bhi hai gahra sahra

ya thahar mujh mein ya khud mein mujhe thahra sahra

ruh mein lahr banate hain tiri lahron se

aur kuchh der mire samne lahra sahra

ankh jhapki thi bas ik lamhe ko aur is ke baad

main ne dhunda hai tujhe zindagi sahra sahra

apni hasti ko bikharne se bacha lena tum

mujh pe mat jana miri jan mein thahra sahra

mere lahje ka samundar hi nahin sukha hai

lut gaya teri hansi ka bhi sunahra sahra