کبھی کبھی تو یہ حالت بھی کی محبت نے

کبھی کبھی تو یہ حالت بھی کی محبت نے

نڈھال کر دیا مجھ کو تری محبت نے

تری یہ پہلی محبت ہے تجھ کو کیا معلوم

گھلا دیا مجھے اس آخری محبت نے

وہ یوں بھی خیر سے سرما کا چاند تھی لیکن

اسے اجال دیا اور بھی محبت نے

مجھے خدا نے ادھورا ہی چھوڑنا تھا مگر

مجھے بنا دیا اک شخص کی محبت نے

یہ تم جو میرے لیے خواب چھوڑ آئی ہو

تمہیں جگایا تو ہوگا مری محبت نے

میں جس کو پہلے پہل دل لگی سمجھتا تھا

مجھے تو مار دیا اس نئی محبت نے

یہ اپنے اپنے نصیبوں کی بات ہے ورنہ

کسی کو میرؔ بنایا اسی محبت نے

یہ جسم و جان یہ نام و نمود حسب و نسب

یہ سارے وہم تھے عزت تو دی محبت نے

محبت اور عبادت میں فرق تو ہے ناں

سو چھین لی ہے تری دوستی محبت نے

kabhi kabhi to ye halat bhi ki mohabbat ne

nidhal kar diya mujh ko tiri mohabbat ne

tiri ye pahli mohabbat hai tujh ko kya maalum

ghula diya mujhe is akhiri mohabbat ne

wo yun bhi khair se sarma ka chand thi lekin

use ajal diya aur bhi mohabbat ne

mujhe khuda ne adhura hi chhorna tha magar

mujhe bana diya ik shakhs ki mohabbat ne

ye tum jo mere liye khwab chhor ai ho

tumhen jagaya to hoga miri mohabbat ne

main jis ko pahle pahal dil lagi samajhta tha

mujhe to mar diya is nai mohabbat ne

ye apne apne nasibon ki bat hai warna

kisi ko mir banaya isi mohabbat ne

ye jism-o-jan ye nam-o-numud hasb-o-nasab

ye sare wahm the izzat to di mohabbat ne

mohabbat aur ibadat mein farq to hai nan

so chhin li hai tiri dosti mohabbat ne