باتوں سے تیری بات کی خوشبو نکل پڑے

باتوں سے تیری بات کی خوشبو نکل پڑے

پہچان کا کہیں کوئی پہلو نکل پڑے

کم کم کہوں میں شعر سناؤں بہت ہی کم

کیا جو کسی غزل سے کبھی تو نکل پڑے

بوسہ کہا تھا آپ نے ابرو چڑھا لئے

اتنی ذرا سی بات پہ چاقو نکل پڑے

اس بار اس نے آپ سے تم کہہ دیا ہمیں

ایسی خوشی کہ آنکھ سے آنسو نکل پڑے

کہتے ہیں روشنی کی حفاظت کریں گے ہم

سورج کی دیکھ بھال کو جگنو نکل پڑے

کانوں میں رس تھی گھولتی سنتوں کی بانیاں

ترشول لے کے آج کے سادھو نکل پڑے

افلاس کے لباس میں یہ بات ہے اگر

شاہانہ آن بان سے اردو نکل پڑے

جب دین کی مدد کو پکارا گیا حفیظؔ

پھانکا نہ اپنے ہاتھ کا ستو نکل پڑے

baton se teri bat ki khushbu nikal pare

pahchan ka kahin koi pahlu nikal pare

kam kam kahon main sher sunaun bahut hi kam

kya jo kisi ghazal se kabhi to nikal pare

bosa kaha tha ap ne abru charha liye

itni zara si bat pe chaqu nikal pare

is bar us ne ap se tum kah diya hamen

aisi khushi ke ankh se ansu nikal pare

kahte hain raushni ki hifazat karenge ham

suraj ki dekh bhal ko jugnu nikal pare

kanon mein ras thi gholti santon ki baniyan

tirshul le ke aj ke sadho nikal pare

iflas ke libas mein ye bat hai agar

shahana an ban se urdu nikal pare

jab din ki madad ko pukara gaya hafiz

phanka na apne hath ka sato nikal pare