قربان جاؤں حسن قمر انتساب کے

قربان جاؤں حسن قمر انتساب کے

عارض ہیں یا ہیں پھول شگفتہ گلاب کے

اب دن کہاں رہے وہ ہمارے ثبات کے

اک دھوپ تھی جو ساتھ گئی آفتاب کے

ہر اک ادا میں اس کی ہے قوس قزح کا رنگ

ہے گفتگو میں کتنے حوالے کتاب کے

حالات نے جھنجھوڑ کے ہشیار تو کیا

جاگے ہوئے ہیں پھر بھی تو آثار خواب کے

پھیلا چکے ہیں فرقہ پرستی کا زہر وہ

آئے ہیں سامنے جو عدد انتخاب کے

گولی سے حل نہ ہوں گے محبت سے ہوں گے حل

قضیے ہوں کاشمیر کے یا پنچ آب کے

نکلی سروں کی فصل ہے گوبھی کے کھیت سے

کھلتے جہاں یہ پھول تھے کل تک گلاب کے

پیر مغاں سے فخرؔ یہی اک سوال ہے

اوندھے ہیں آج جام و سبو کیوں شراب کے

qurban jaun husn-e-qamar intisab ke

ariz hain ya hain phul shagufta gulab ke

ab din kahan rahe wo hamare sabat ke

ik dhup thi jo sath gai aftab ke

har ik ada mein us ki hai qaus-e-quzah ka rang

hai guftugu mein kitne hawale kitab ke

halat ne jhinjhor ke hushyar to kya

jage hue hain phir bhi to asar khwab ke

phaila chuke hain firqa parasti ka zahr wo

ae hain samne jo adad intikhab ke

goli se hal na honge mohabbat se honge hal

qazye hun kashmir ke ya panch ab ke

nikli saron ki fasl hai gobhi ke khet se

khulte jahan ye phul the kal tak gulab ke

pir-e-mughan se fakhr yahi ik sawal hai

aundhe hain aj jam-o-subu kyun sharab ke