دور دور تک سناٹا ہے کوئی نہیں ہے پاس

دور دور تک سناٹا ہے کوئی نہیں ہے پاس

آ جا دریا ہونٹ سے لگ جا پی لے میری پیاس

عشق کے پہلے پہلے وار سے وہ بھی ٹوٹ گئی

اک جوگی کا پیار نہ آیا اس لڑکی کو راس

روزانہ پوشاکیں بدلوں اور خوشبوئیں بھی

میرے جسم سے اترے نا میری مٹی کی باس

سارے دریا پھوٹ پڑیں گے اک دوجے کے بیچ

اک دن آ کر مل جائے گی تیری میری پیاس

دل کے اندر ناچ رہے ہیں کتنے شاہ حسین

میرے عشق کی پھوٹی ہے اب روشن لال کپاس

dur dur tak sannata hai koi nahin hai pas

a ja dariya hont se lag ja pi le meri pyas

ishq ke pahle pahle war se wo bhi tut gai

ik jogi ka pyar na aya is larki ko ras

rozana poshaken badlun aur khushbuen bhi

mere jism se utre na meri mitti ki bas

sare dariya phut parenge ik duje ke bich

ik din a kar mil jaegi teri meri pyas

dil ke andar nach rahe hain kitne shah hasin

mere ishq ki phuti hai ab raushan lal kapas