مری آنکھوں کو آنکھوں کا کنارہ کون دے گا

مری آنکھوں کو آنکھوں کا کنارہ کون دے گا

سمندر کو سمندر میں سہارا کون دے گا

مرے چہرے کو چہرہ کب عنایت کر رہے ہو

تمہیں میرے سوا چہرہ تمہارا کون دے گا

مرے دریا نے اپنے ہی کنارے کاٹ ڈالے

بپھرتے پانیوں کو اب سہارا کون دے گا

بدن میں ایک صحرا جل رہا ہے بجھ رہا ہے

مرے دریاؤں کو پہلا اشارہ کون دے گا

محبت نیلا موسم بن کے آ جائے گی اک دن

گلابی تتلیوں کو پھر سہارا کون دے گا

miri ankhon ko ankhon ka kinara kaun dega

samundar ko samundar mein sahara kaun dega

mire chehre ko chehra kab inayat kar rahe ho

tumhen mere siwa chehra tumhara kaun dega

mire dariya ne apne hi kinare kat dale

bipharte paniyon ko ab sahara kaun dega

badan mein ek sahra jal raha hai bujh raha hai

mire dariyaon ko pahla ishara kaun dega

mohabbat nila mausam ban ke a jaegi ik din

gulabi titliyon ko phir sahara kaun dega