خواہشوں کا ورد یوں مت کر پرائے شہر میں

خواہشوں کا ورد یوں مت کر پرائے شہر میں

فاختہ مر جائے گی گھٹ کر قبائے شہر میں

رات بھر دل میں سمندر کروٹیں لیتا رہا

رات بھر بہتا رہا دریا پرائے شہر میں

روشنی ہوتے ہی کالی آندھیاں چلنے لگیں

بجھ گئے جتنے دیے ہم نے جلائے شہر میں

زندگی کے پیڑ سے کچھ پھول بھی لپٹے رہے

پتھروں کی بھی رہائش تھی ردائے شہر میں

جی رہا ہوں بھوک کے پنجے کو سانسیں بیچ کر

پھر رہا ہوں لاش میں اپنی اٹھائے شہر میں

شام تک تھا کھڑکیوں میں پچھڑی آنکھوں کا ہجوم

چاندنی پھیلی تو آنسو تھے ہوائے شہر میں

khwahishon ka wird yun mat kar parae shahr mein

fakhta mar jaegi ghut kar qaba-e-shahr mein

rat bhar dil mein samundar karwaten leta raha

rat bhar bahta raha dariya parae shahr mein

raushni hote hi kali andhiyan chalne lagen

bujh gae jitne diye ham ne jalae shahr mein

zindagi ke per se kuchh phul bhi lipte rahe

pattharon ki bhi rahaish thi rida-e-shahr mein

ji raha hun bhuk ke panje ko sansen bech kar

phir raha hun lash main apni uthae shahr mein

sham tak tha khirkiyon mein pachhri ankhon ka hujum

chandni phaili to ansu the hawa-e-shahr mein