جو ملا کرتی تھی مجھ کو لکڑیوں کی ٹال پر

جو ملا کرتی تھی مجھ کو لکڑیوں کی ٹال پر

ایسی لڑکی آج تک دیکھی نہیں ہے مال پر

آنکھ میں سائے کی خواہش پیٹ میں روٹی کی بھوک

پھر بھی کیسی تازگی تھی پھول جیسے گال پر

اس کو دیکھا تو اسے بس دیکھتا ہی رہ گیا

جیسے اک زخمی سی تتلی ایک ٹوٹی ڈال پر

جانے کیسے اس کو میری پیاس کی پہنچی خبر

لائی چاندی سے کٹورے سونے ایسے تھال پر

پتلی پتلی روٹیوں کو چوپڑے گی ہاتھ سے

ڈال کر تڑکا وہ مجھ کو دے گی پتلی دال پر

میری نظروں سے چھپا کر اس سے آنکھیں پونچھ لیں

اس نے میرا نام لکھ رکھا تھا جس رومال پر

jo mila karti thi mujh ko lakriyon ki tal par

aisi larki aj tak dekhi nahin hai mal par

ankh mein sae ki khwahish pet mein roti ki bhuk

phir bhi kaisi tazgi thi phul jaise gal par

us ko dekha to use bas dekhta hi rah gaya

jaise ik zakhmi si titli ek tuti dal par

jane kaise us ko meri pyas ki pahunchi khabar

lai chandi se katore sone aise thal par

putli putli rotiyon ko chaupare gi hath se

dal kar tarka wo mujh ko degi putli dal par

meri nazron se chhupa kar us se ankhen ponchh len

us ne mera nam likh rakha tha jis rumal par