ہم سے اپنے گاؤں کی مٹی کے گھر چھینے گئے

ہم سے اپنے گاؤں کی مٹی کے گھر چھینے گئے

جس طرح شہری پرندوں سے شجر چھینے گئے

تتلیوں نے کاغذی پھولوں پہ ڈیرا کر لیا

راستے میں جگنوؤں کے بال و پر چھینے گئے

اس قدر بڑھنے لگے ہیں گھر سے گھر کے فاصلے

دوستوں سے شام کے پیدل سفر چھینے گئے

کالے سورج کی ضیا سے شہر اندھا ہو گیا

خون میں خوشبو اگانے کے ہنر چھینے گئے

آنکھ آنکھوں سے زبانوں سے زباں چھینی گئی

داستاں سے داستانوں کے شرر چھینے گئے

ham se apne gaon ki mitti ke ghar chhine gae

jis tarah shahri parindon se shajar chhine gae

titliyon ne kaghzi phulon pe dera kar liya

raste mein jugnuon ke bal-o-par chhine gae

is qadar barhne lage hain ghar se ghar ke fasle

doston se sham ke paidal safar chhine gae

kale suraj ki ziya se shahr andha ho gaya

khun mein khushbu ugane ke hunar chhine gae

ankh ankhon se zabanon se zaban chhini gai

dastan se dastanon ke sharar chhine gae