کچھ ایسے اہل نظر زیر آسماں گزرے

کچھ ایسے اہل نظر زیر آسماں گزرے

کہ جن کے فرش پہ بھی عرش کا گماں گزرے

مرے سکوت مسلسل کو بھی صدا دینا

اگر ادھر سے کبھی سورش زماں گزرے

تجھے خبر ہے تری یاد میں سر مژگاں

تمام رات ستاروں کے کارواں گزرے

وہی تو ہیں مری برباد عمر کا حاصل

جو حادثات جوانی میں ناگہاں گزرے

طلسم حسن و محبت نہیں تو پھر کیا ہے

دلوں کی بات نگاہوں کے درمیاں گزرے

تمہارے وعدۂ فردا کی زد میں جو آئے

پھر اس کی رات کہاں گزرے دن کہاں گزرے

اب اپنا حال دل زار کیا کہوں جعفرؔ

ہر ایک بات مری ان پہ جب گراں گزرے

kuchh aise ahl-e-nazar zer-e-asman guzre

ke jin ke farsh pe bhi arsh ka guman guzre

mire sukut-e-musalsal ko bhi sada dena

agar idhar se kabhi sorash-e-zaman guzre

tujhe khabar hai tiri yad mein sar-e-mizhgan

tamam rat sitaron ke karwan guzre

wahi to hain miri barbad umr ka hasil

jo hadsat-e-jawani mein nagahan guzre

tilism-e-husn-o-mohabbat nahin to phir kya hai

dilon ki bat nigahon ke darmiyan guzre

tumhare waada-e-farda ki zad mein jo ae

phir us ki rat kahan guzre din kahan guzre

ab apna hal-e-dil zar kya kahun jaafar

har ek bat miri un pe jab giran guzre