رنج سے واقف خوشی سے آشنا ہونے نہ دے

رنج سے واقف خوشی سے آشنا ہونے نہ دے

زندگی کو اپنے مقصد سے جدا ہونے نہ دے

عشق جب تک طے نہ کر لے منزلیں ایثار کی

درد کی لذت سے دل کو آشنا ہونے نہ دے

اور جو کچھ ہو ہمیں منظور ہے یا رب مگر

آدمی کو آدمی کا آسرا ہونے نہ دے

درد دل کہیے جسے اس کی تو یہ پہچان ہے

بھول کر جو ہاتھ سینے سے جدا ہونے نہ دے

عشق جس دل میں جڑیں اپنی جما لے ایک بار

عمر بھر نخل تمنا کو ہرا ہونے نہ دے

ناخدا کی کوششیں بیکار تدبیریں عبث

پار جب منجدھار سے بیڑا خدا ہونے نہ دے

راہ ہستی میں جو جعفرؔ ہر قدم پر موڑ ہیں

ہر کس و ناکس کو اپنا رہنما ہونے نہ دے

ranj se waqif khushi se ashna hone na de

zindagi ko apne maqsad se juda hone na de

ishq jab tak tai na kar le manzilen isar ki

dard ki lazzat se dil ko ashna hone na de

aur jo kuchh ho hamen manzur hai ya rab magar

admi ko admi ka asra hone na de

dard-e-dil kahiye jise us ki to ye pahchan hai

bhul kar jo hath sine se juda hone na de

ishq jis dil mein juren apni jama le ek bar

umr bhar nakhl-e-tamanna ko hara hone na de

nakhuda ki koshishen bekar tadbiren abas

par jab manjdhar se bera khuda hone na de

rah-e-hasti mein jo jaafar har qadam par mor hain

har kis-o-nakas ko apna rahnuma hone na de