دشت میں گلشن میں ہر جا کی ہے تیری جستجو

دشت میں گلشن میں ہر جا کی ہے تیری جستجو

اب کہاں لے جا رہا ہے اے فریب رنگ و بو

آپ اتنا تو بتا دیں کب کرم ہوگا حضور

کب مروت میں بدل جائے گی یہ نفرت کی خو

سادگئ دل پہ اپنی رشک آتا ہے مجھے

اک وفا نا آشنا سے ہے وفا کی آرزو

عشق کی منزل میں لاکھوں کارواں گم ہو گئے

رہرو راہ محبت کیا کریں گے جستجو

رہ گئے ہیں اب تو لے دے کر دل برباد میں

حسرت دیدار کا غم اور تیری آرزو

دے رہی ہے اپنے دامن کی ہوا باد سحر

تیری زلف عنبریں ہے اک جہان رنگ و بو

جب کبھی ساقی نے جعفرؔ اپنی نظریں پھیر لیں

میکدے میں پی لیا ہے میں نے ارماں کا لہو

dasht mein gulshan mein har ja ki hai teri justuju

ab kahan le ja raha hai ai fareb-e-rang-o-bu

ap itna to bata den kab karam hoga huzur

kab murawwat mein badal jaegi ye nafrat ki khu

sadgi-e-dil pe apni rashk ata hai mujhe

ik wafa na ashna se hai wafa ki arzu

ishq ki manzil mein lakhon karwan gum ho gae

rahrau-e-rah-e-mohabbat kya karenge justuju

rah gae hain ab to le de kar dil-e-barbad mein

hasrat-e-didar ka gham aur teri arzu

de rahi hai apne daman ki hawa bad-e-sahar

teri zulf-e-ambarin hai ik jahan-e-rang-o-bu

jab kabhi saqi ne jaafar apni nazren pher len

maikade mein pi liya hai main ne arman ka lahu