دونوں جہاں کو زینت داماں کئے ہوئے

دونوں جہاں کو زینت داماں کئے ہوئے

بیٹھا ہوں دل میں آپ کو مہماں کئے ہوئے

نظارۂ جمال میسر ہو کس طرح

آئے ہیں آپ زلف پریشاں کئے ہوئے

دامن کی دھجیوں کو گریباں کئے ہوئے

آؤ جناب شیخ چلو مے کدہ چلیں

عرصہ ہوا ہے مے کدہ ویراں کئے ہوئے

کس سمت جا رہا ہے کدھر لے چلا مجھے

کمبخت دل تصور جاناں کئے ہوئے

جعفرؔ میں ان کی راہ میں بیٹھا ہوں مدتوں

داغوں سے دل کے جشن چراغاں کئے ہوئے

donon jahan ko zinat-e-daman kiye hue

baitha hun dil mein ap ko mehman kiye hue

nazara-e-jamal-e-muyassar ho kis tarah

ae hain ap zulf-e-pareshan kiye hue

daman ki dhajjiyon ko gareban kiye hue

ao janab-e-shaikh chalo mai kada chalen

arsa hua hai mai kada wiran kiye hue

kis samt ja raha hai kidhar le chala mujhe

kambakht dil tasawwur janan kiye hue

jaafar mein un ki rah mein baitha hun muddaton

daghon se dil ke jashn-e-charaghan kiye hue