چلے جائیے گا مری انجمن سے

چلے جائیے گا مری انجمن سے

یہ کیا سن ہوں تمہارے دہن سے

بہاروں کو رنگیں بنایا ہے ہم نے

کہاں جائیں اہل چمن ہم چمن سے

کہیں کس سے ہم کسمپرسی کا عالم

وطن میں ہیں لیکن غریب الوطن سے

محبت کے تحفے سمجھ کر لئے ہیں

ملے جس قدر رنج دار محن سے

یہ ہی ہوگا آخر تغافل کا حاصل

اتر جاؤ گے ایک دن میرے من سے

یہ محسوس ہوتا ہے صحرا میں رہ کر

تعلق ہی جیسے نہیں تھا چمن سے

سنا کر غزل آج محفل میں جعفرؔ

مجھے داد لینی ہے اہل سخن سے

chale jaiyega miri anjuman se

ye kya sun hun tumhare dahan se

baharon ko rangin banaya hai ham ne

kahan jaen ahl-e-chaman ham chaman se

kahin kis se ham kasmapursi ka alam

watan mein hain lekin gharib alwatan se

mohabbat ke tohfe samajh kar liye hain

mile jis qadar ranj dar-e-mehan se

ye hi hoga akhir taghaful ka hasil

utar jaoge ek din mere man se

ye mahsus hota hai sahra mein rah kar

taalluq hi jaise nahin tha chaman se

suna kar ghazal aj mahfil mein jaafar

mujhe dad leni hai ahl-e-sukhan se