دن میں آنے لگے ہیں خواب مجھے

دن میں آنے لگے ہیں خواب مجھے

اس نے بھیجا ہے اک گلاب مجھے

گفتگو سن رہا ہوں آنکھوں کی

چاہئے آپ کا جواب مجھے

وقت فرصت کا انتظار کروں

اتنی فرصت کہاں جناب مجھے

زعم تھا بے حساب چاہت ہے

اس نے سمجھا دیا حساب مجھے

پڑھتا رہتا ہوں آپ کا چہرہ

اچھی لگتی ہے یہ کتاب مجھے

لیجیے اور امتحان مرا

اور ہونا ہے کامیاب مجھے

کوئی ایسی خطا کروں راغبؔ

جس کا ملتا رہے ثواب مجھے

din mein ane lage hain khwab mujhe

us ne bheja hai ik gulab mujhe

guftugu sun raha hun ankhon ki

chahiye ap ka jawab mujhe

waqt-e-fursat ka intizar karun

itni fursat kahan janab mujhe

zaam tha be hisab chahat hai

us ne samjha diya hisab mujhe

parhta rahta hun ap ka chehra

achchhi lagti hai ye kitab mujhe

lijiye aur imtihan mira

aur hona hai kamyab mujhe

koi aisi khata karun raghib

jis ka milta rahe sawab mujhe