جو دوسروں کی خطائیں معاف کرتے ہیں

جو دوسروں کی خطائیں معاف کرتے ہیں

دراصل دل سے کدورت وہ صاف کرتے ہیں

ہر ایک بات میں حامی نہیں بھری جاتی

انہیں گلہ ہے کہ ہم اختلاف کرتے ہیں

کبھی گمان کی صورت کبھی یقین کے ساتھ

دلوں کے راز کا ہم انکشاف کرتے ہیں

ہمیں یقیں بھی دلاتے ہیں ساتھ دینے کا

وہ سازشیں بھی ہمارے خلاف کرتے ہیں

کہیں بھی پیار سے رہنا انہیں قبول نہیں

جہاں بھی جاتے ہیں دل میں شگاف کرتے ہیں

انہیں سے عظمت اردو بحال ہے راغبؔ

جو گفتگو میں ادا شین قاف کرتے ہیں

jo dusron ki khataen muaf karte hain

darasl dil se kudurat wo saf karte hain

har ek bat mein hami nahin bhari jati

unhen gila hai ke ham ikhtilaf karte hain

kabhi guman ki surat kabhi yaqin ke sath

dilon ke raz ka ham inkishaf karte hain

hamen yaqin bhi dilate hain sath dene ka

wo sazishen bhi hamare khilaf karte hain

kahin bhi pyar se rahna unhen qubul nahin

jahan bhi jate hain dil mein shigaf karte hain

unhen se azmat urdu bahal hai raghib

jo guftugu mein ada shain qaf karte hain