چشم تر کو زبان کر بیٹھے

چشم تر کو زبان کر بیٹھے

حال دل کا بیان کر بیٹھے

تم نے رسماً مجھے سلام کیا

لوگ کیا کیا گمان کر بیٹھے

ایک پل بھی کہاں سکون ملا

آپ کو جب سے جان کر بیٹھے

پستیوں میں کبھی گرا ڈالا

اور کبھی آسمان کر بیٹھے

آس کی شمع ٹمٹماتی رہی

ہم کہاں ہار مان کر بیٹھے

ایک پل کا یقیں نہیں راغبؔ

اک صدی کا پلان کر بیٹھے

chashm-e-tar ko zaban kar baithe

hal-e-dil ka bayan kar baithe

tum ne rasma mujhe salam kiya

log kya kya guman kar baithe

ek pal bhi kahan sukun mila

ap ko jab se jan kar baithe

pastiyon mein kabhi gira dala

aur kabhi asman kar baithe

as ki shama timtimati rahi

ham kahan har man kar baithe

ek pal ka yaqin nahin raghib

ik sadi ka pilan kar baithe