کیا ہے قسمت میں قلب مائل کی

کیا ہے قسمت میں قلب مائل کی

حد نہیں رنج کے وسائل کی

دست بردار ہے مسیحائی

دیکھ حالت اب اپنے گھائل کی

وہ کہ ہر مسئلے کا میرے حل

میں کہ جڑ اس کے سب مسائل کی

کتنا پھیلا ہے زہر وحشت کا

کتنی تاثیر ہم نے زائل کی

کاسۂ عشق میں وفا کی بھیک

اور کیا آرزو تھی سائل کی

ان کی ضد کا تھا سامنا راغبؔ

دھجیاں اڑ گئیں دلائل کی

kya hai qismat mein qalb mail ki

had nahin ranj ke wasail ki

dast bardar hai masihai

dekh halat ab apne ghayal ki

wo ke har masale ka mere hal

main ke jur us ke sab masail ki

kitna phaila hai zahr wahshat ka

kitni tasir ham ne zail ki

kasa-e-ishq mein wafa ki bhik

aur kiya arzu thi sail ki

un ki zid ka tha samna raghib

dhajjiyan ur gain dilail ki