سدا آنسو بہانے سے کسی کو کچھ نہیں ملتا

سدا آنسو بہانے سے کسی کو کچھ نہیں ملتا

کہ رونے گڑگڑانے سے کسی کو کچھ نہیں ملتا

کسی کا کچھ نہیں جاتا کسی سے ہنس کے ملنے سے

اجی یوں منہ بنانے سے کسی کو کچھ نہیں ملتا

اگر غیرت ہے زندہ تو وسائل کیجئے پیدا

ہمیشہ دم ہلانے سے کسی کو کچھ نہیں ملتا

نہ ہو تدبیر تو تقدیر بھی حامی نہیں ہوتی

خدا کے کارخانے سے کسی کو کچھ نہیں ملتا

درختوں پر انہیں راغبؔ ہمیشہ چہچہانے دو

پرندوں کو اڑانے سے کسی کو کچھ نہیں ملتا

sada ansu bahane se kisi ko kuchh nahin milta

ke rone gurgarane se kisi ko kuchh nahin milta

kisi ka kuchh nahin jata kisi se hans ke milne se

aji yun munh banane se kisi ko kuchh nahin milta

agar ghairat hai zinda to wasail kijiye paida

hamesha dam hilane se kisi ko kuchh nahin milta

na ho tadbir to taqdir bhi hami nahin hoti

khuda ke karkhane se kisi ko kuchh nahin milta

darakhton par unhen raghib hamesha chahchahane do

parindon ko urane se kisi ko kuchh nahin milta