یاد دلاؤ مت ان کو وہ رات اور دن

یاد دلاؤ مت ان کو وہ رات اور دن

چین انہیں اب آ جاتا ہے میرے بن

مچھلی کیسے رہتی ہے پانی کے بن

حال سے میرے خوب ہیں وہ واقف لیکن

لرزیدہ لب پر تھا بھلا تو نہ دو گے ہمیں

نم دیدہ آنکھوں نے کہا تھا نا ممکن

دل کے دو حرفوں جیسے ہی ایک ہیں ہم

اک متحرک ہر لمحہ اور اک ساکن

چہرے سے ظاہر ہے دل کی کیفیت

کتنا چھپائے گا کوئی عکس باطن

کس کس کی باتوں میں دل آ جاتا ہے

کس کو پتا ہے کب آئیں گے اچھے دن

ماتم پرسی مت کر اے منہ زور ہوا

کتنے پتے ٹوٹے اب تعداد نہ گن

احسانات لٹائے جاتے ہیں راغبؔ

سبز درختوں جیسے ہیں میرے محسن

yad dilao mat un ko wo rat aur din

chain unhen ab a jata hai mere bin

machhli kaise rahti hai pani ke ban

hal se mere khub hain wo waqif lekin

larzida lab par tha bhala to na doge hamen

nam dida ankhon ne kaha tha na mumkin

dil ke do harfon jaise hi ek hain ham

ik mutaharrik har lamha aur ik sakin

chehre se zahir hai dil ki kaifiyat

kitna chhupaega koi aks batin

kis kis ki baton mein dil a jata hai

kis ko pata hai kab aenge achchhe din

matam parsi mat kar ai munh zor hua

kitne patte tute ab taadad na gin

ehsanat lutae jate hain raghib

sabz darakhton jaise hain mere mohsin