اے ابن اضطراب دل ناصبور صبر

اے ابن اضطراب دل ناصبور صبر

تکلیف میں ہے باعث کیف و سرور صبر

چھٹ کر رہے گی تیرگی اک دن گریز کی

پھوٹے گا التفات و محبت کا نور صبر

آنکھوں میں تیرتے ہیں ابھی تک کئی حروف

لکھا تھا اس نے اشک سے بین السطور صبر

میں کیا کروں کہ تم کو نہ ہو برہمی کبھی

کس طرح دل کو آئے تمہارے حضور صبر

تم سے تھا دور دور تو صابر تھا سخت تھا

شیشے کی طرح پل میں ہوا چور چور صبر

دونوں ہی اعتدال پہ راغبؔ نہ رہ سکے

تھا میرا اضطراب تو ان کا قصور صبر

ai ibn-e-iztirab-e-dil-e-nasabur sabr

taklif mein hai bais-e-kaif-o-surur-e-sabr

chhut kar rahegi tirgi ik din gurez ki

phutega iltifat-o-mohabbat ka nur-e-sabr

ankhon mein tairte hain abhi tak kai huruf

likha tha us ne ashk se bain alssutur sabr

main kya karun ke tum ko na ho barhami kabhi

kis tarah dil ko ae tumhare huzur-e-sabr

tum se tha dur dur to sabir tha sakht tha

shishe ki tarah pal mein hua chur chur sabr

donon hi etidal pe raghib na rah sake

tha mera iztirab to un ka qusur sabr