دل سے جب آہ نکل جائے گی

دل سے جب آہ نکل جائے گی

جاں بھی ہمراہ نکل جائے گی

دل میں کچھ بھی تو نہ رہ جائے گا

جب تری چاہ نکل جائے گی

ہم نے سمجھا تھا کہ کچھ برسوں میں

فصل جاں کاہ نکل جائے گی

پھر سبھی جوڑ کے سر بیٹھے ہیں

پھر کوئی راہ نکل جائے گی

تم سے ملنے کی بھی کوئی صورت

انشا اللہ نکل جائے گی

توڑ کر ساری فصیلیں راغبؔ

فکر آگاہ نکل جائے گی

dil se jab ah nikal jaegi

jan bhi hamrah nikal jaegi

dil mein kuchh bhi to na rah jaega

jab tiri chah nikal jaegi

ham ne samjha tha ke kuchh barson mein

fasl-e-jan kah nikal jaegi

phir sabhi jor ke sar baithe hain

phir koi rah nikal jaegi

tum se milne ki bhi koi surat

insha allah nikal jaegi

tor kar sari fasilen raghib

fikr agah nikal jaegi