ذہن و دل میں ہے جنگ یا کچھ اور

ذہن و دل میں ہے جنگ یا کچھ اور

ہو رہا ہوں ملنگ یا کچھ اور

حال کیا ہو گیا سماعت کا

تیری باتیں تھیں سنگ یا کچھ اور

کوئی اترا ہے جھیل میں دل کی

اٹھ رہی ہے ترنگ یا کچھ اور

تیرے ہاتھوں میں ڈور ہے یا دل

ہو گیا ہوں پتنگ یا کچھ اور

کوششیں رائیگاں منانے کی

مجھ کو ہی تھا نہ ڈھنگ یا کچھ اور

مشکلیں روز بڑھتی جاتی ہیں

وہ ستم گر ہے تنگ یا کچھ اور

دل میں ہے آس آرزو وحشت

بے قراری امنگ یا کچھ اور

حوصلے میرے مثل کوہ ہوئے

تیری چاہت ہے سنگ یا کچھ اور

میرے شعروں پہ ہو گئے ساکت

یار میرے ہیں دنگ یا کچھ اور

ان کے ہاتھوں میں آج کل راغبؔ

ہے رفاقت کا رنگ یا کچھ اور

zehn-o-dil mein hai jang ya kuchh aur

ho raha hun malang ya kuchh aur

hal kya ho gaya samaat ka

teri baten thin sang ya kuchh aur

koi utra hai jhil mein dil ki

uth rahi hai tarang ya kuchh aur

tere hathon mein dor hai ya dil

ho gaya hun patang ya kuchh aur

koshishen raigan manane ki

mujh ko hi tha na dhang ya kuchh aur

mushkilen roz barhti jati hain

wo sitam gar hai tang ya kuchh aur

dil mein hai as arzu wahshat

be qarari umang ya kuchh aur

hausle mere misl-e-koh hue

teri chahat hai sang ya kuchh aur

mere sheron pe ho gae sakit

yar mere hain dang ya kuchh aur

un ke hathon mein aj kal raghib

hai rifaqat ka rang ya kuchh aur