اس نے کہا تھا ایک شب تم نے مجھے بدل دیا

اس نے کہا تھا ایک شب تم نے مجھے بدل دیا

کیسے کہوں میں اس سے اب تم نے مجھے بدل دیا

جادو اثر ہر اک ادا چہرہ ہے یا کہ معجزہ

دکھلا کے اک حسین چھب تم نے مجھے بدل دیا

دیکھو مری شرارتیں شوخی بھری عبارتیں

چنچل تھا اس قدر میں کب تم نے مجھے بدل دیا

سرگوشیوں کا میں ہدف حیرانیاں ہیں ہر طرف

ششدر ہے آئنہ عجب تم نے مجھے بدل دیا

دل میں ہے یوں امنگ کیوں نکھرا ہوا ہے رنگ کیوں

اب پوچھتے ہو کیا سبب تم نے مجھے بدل دیا

اک حرف انتظار ہوں ہر آن بے قرار ہوں

راغبؔ نہیں رہا میں اب تم نے مجھے بدل دیا

us ne kaha tha ek shab tum ne mujhe badal diya

kaise kahon main us se ab tum ne mujhe badal diya

jadu asar har ik ada chehra hai ya ke mojiza

dikhla ke ik hasin chhab tum ne mujhe badal diya

dekho miri shararaten shokhi bhari ibaraten

chanchal tha is qadar mein kab tum ne mujhe badal diya

sargoshiyon ka main hadaf hairaniyan hain har taraf

shashdar hai aina ajab tum ne mujhe badal diya

dil mein hai yun umang kyun nikhra hua hai rang kyun

ab puchhte ho kya sabab tum ne mujhe badal diya

ik harf-e-intizar hun har an be qarar hun

raghib nahin raha main ab tum ne mujhe badal diya