جسم و جاں کی بستی میں سلسلے نہیں ملتے

جسم و جاں کی بستی میں سلسلے نہیں ملتے

اب کسی بھی مرکز سے دائرے نہیں ملتے

دو قدم بچھڑنے سے قافلے نہیں ملتے

منزلیں تو ملتی ہیں راستے نہیں ملتے

بارہا تراشا ہے ہم نے آپ کا چہرہ

آپ کو نہ جانے کیوں آئنہ نہیں ملتے

وقت کی کمی کہہ کر جہل کو چھپاتے ہیں

آج کل کتابوں میں حاشیے نہیں ملتے

آج بھی زمانے میں آدمی کرشمہ ہیں

شعبدے تو ملتے ہیں معجزے نہیں ملتے

زندگی کا ہر لمحہ آرزو کا دشمن ہے

حادثوں کی خواہش میں حادثے نہیں ملتے

آج قتل کرنا بھی بن گیا ہے فن زریںؔ

قتل کرنے والوں کے کچھ پتے نہیں ملتے

jism-o-jan ki basti mein silsile nahin milte

ab kisi bhi markaz se daire nahin milte

do qadam bichharne se qafile nahin milte

manzilen to milti hain raste nahin milte

barha tarasha hai ham ne ap ka chehra

ap ko na jane kyun aina nahin milte

waqt ki kami kah kar jahl ko chhupate hain

aj kal kitabon mein hashiye nahin milte

aj bhi zamane mein admi karishma hain

shobade to milte hain mojize nahin milte

zindagi ka har lamha arzu ka dushman hai

hadson ki khwahish mein hadse nahin milte

aj qatl karna bhi ban gaya hai fan zarrin

qatl karne walon ke kuchh patte nahin milte