گھبرا گئے ہیں وقت کی تنہائیوں سے ہم

گھبرا گئے ہیں وقت کی تنہائیوں سے ہم

اکتا چکے ہیں اپنی ہی پرچھائیوں سے ہم

سایہ میرے وجود کی حد سے گزر گیا

اب اجنبی ہیں آپ شناسائیوں سے ہم

یہ سوچ کر ہی خود سے مخاطب رہے سدا

کیا گفتگو کریں گے تماشائیوں سے ہم

اب دیں گے کیا کسی کو یہ جھونکے بہار کے

مانگیں گے دل کے زخم بھی پروائیوں سے ہم

زریںؔ کیا بہاروں کو مڑ مڑ کے دیکھیے

مانوس تھے خزاں کی دل آسائیوں سے ہم

ghabra gae hain waqt ki tanhaiyon se ham

ukta chuke hain apni hi parchhaiyon se ham

saya mere wajud ki had se guzar gaya

ab ajnabi hain ap shanasaiyon se ham

ye soch kar hi khud se mukhatib rahe sada

kya guftugu karenge tamashaiyon se ham

ab denge kya kisi ko ye jhonke bahar ke

mangenge dil ke zakhm bhi purwaiyon se ham

zarrin kiya baharon ko mur mur ke dekhiye

manus the khizan ki dil asaiyon se ham