ذہن و دل کے فاصلے تھے ہم جنہیں سہتے رہے

ذہن و دل کے فاصلے تھے ہم جنہیں سہتے رہے

ایک ہی گھر میں بہت سے اجنبی رہتے رہے

دور تک ساحل پہ دل کے آبلوں کا عکس تھا

کشتیاں شعلوں کی دریا موم کے بہتے رہے

کیسے پہنچے منزلوں تک وحشتوں کے قافلے

ہم سرابوں سے سفر کی داستاں کہتے رہے

آنے والے موسموں کو تازگی ملتی گئی

اپنی فصل آرزو کو ہم خزاں کہتے رہے

کیسے مٹ پائیں گی زریںؔ یہ حدیں افکار کی

ٹوٹ کر دل کے کنارے دور تک بہتے رہے

zehn-o-dil ke fasle the ham jinhen sahte rahe

ek hi ghar mein bahut se ajnabi rahte rahe

dur tak sahil pe dil ke ablon ka aks tha

kashtiyan sholon ki dariya mom ke bahte rahe

kaise pahunche manzilon tak wahshaton ke qafile

ham sarabon se safar ki dastan kahte rahe

ane wale mausamon ko tazgi milti gai

apni fasl-e-arzu ko ham khizan kahte rahe

kaise mit paengi zarrin ye haden afkar ki

tut kar dil ke kinare dur tak bahte rahe