خواب آنکھوں سے زباں سے ہر کہانی لے گیا

خواب آنکھوں سے زباں سے ہر کہانی لے گیا

مختصر یہ ہے وہ میری زندگانی لے گیا

پھول سے موسم کی برساتیں ہواؤں کی مہک

اب کے موسم کی وہ سب شامیں سہانی لے گیا

دے گیا مجھ کو سرابوں کا سکوت مستقل

میرے اشکوں سے وہ دریا کی روانی لے گیا

خاک اب اڑنے لگی میدان صحرا ہو گئے

ریت کا طوفان دریاؤں سے پانی لے گیا

کون پہچانے گا زریںؔ مجھ کو اتنی بھیڑ میں

میرے چہرے سے وہ اپنی ہر نشانی لے گیا

khwab ankhon se zaban se har kahani le gaya

mukhtasar ye hai wo meri zindagani le gaya

phul se mausam ki barsaten hawaon ki mahak

ab ke mausam ki wo sab shamen suhani le gaya

de gaya mujh ko sarabon ka sukut-e-mustaqil

mere ashkon se wo dariya ki rawani le gaya

khak ab urne lagi maidan-e-sahra ho gae

ret ka tufan dariyaon se pani le gaya

kaun pahchanega zarrin mujh ko itni bhir mein

mere chehre se wo apni har nishani le gaya