منزلیں آئیں تو رستے کھو گئے

منزلیں آئیں تو رستے کھو گئے

آبگینے تھے کہ پتھر ہو گئے

بے گناہی ظلمتوں میں قید تھی

داغ پھر کس کے سمندر دھو گئے

عمر بھر کاٹیں گے فصلیں خون کی

زخم دل میں بیج ایسا بو گئے

دیکھ کر انسان کی بیچارگی

شام سے پہلے پرندے سو گئے

ان گنت یادیں میرے ہم راہ تھیں

ہم ہی زریںؔ درمیاں میں کھو گئے

manzilen aen to raste kho gae

abgine the ke patthar ho gae

be gunahi zulmaton mein qaid thi

dagh phir kis ke samundar dho gae

umr bhar katenge faslen khun ki

zakhm-e-dil mein bij aisa bu gae

dekh kar insan ki bechargi

sham se pahle parinde so gae

an ginat yaden mere ham rah thin

ham hi zarrin darmiyan mein kho gae