روح جسموں سے باہر بھٹکتی رہی

روح جسموں سے باہر بھٹکتی رہی

زخمی یادوں کو آنچل سے ڈھکتی رہی

میرے ہاتھوں میں تھیں گرد کی چادریں

زندگی تھی کے دامن جھٹکتی رہی

چاندنی میں حسیں زہر گھلتا رہا

سر کو مرمر پہ ناگن پٹکتی رہی

میں گھٹاؤں سے خود کو بچاتی رہی

تیغ بجلی کی سر پہ لٹکتی رہی

میرے ہونٹوں کو کب مل سکی بانسری

سانس زریںؔ لبوں پہ اٹکتی رہی

ruh jismon se bahar bhatakti rahi

zakhmi yadon ko anchal se dhakti rahi

mere hathon mein thin gard ki chadaren

zindagi thi ke daman jhatakti rahi

chandni mein hasin zahr ghulta raha

sar ko marmar pe nagin patakti rahi

main ghataon se khud ko bachati rahi

tegh bijli ki sar pe latakti rahi

mere honton ko kab mil saki bansuri

sans zarrin labon pe atakti rahi