کیسا ہوگا دیس پیا کا کیسا پیا کا گاؤں رے

کیسا ہوگا دیس پیا کا کیسا پیا کا گاؤں رے

کیسی ہوگی دھوپ وہاں کی کیسی وہاں کی چھاؤں رے

چاندی جیسے پیڑ وہاں کے ہیرے موتی پھول و پھل

سونے کی پیلی دھرتی پر رکھتے ہوں گے پاؤں رے

پی پی پپیہے بولتے ہوں گے کانوں میں رس گھولتے ہوں گے

ٹھمری ہوگی کوئل کی کو کجری کاگا کی کاؤں رے

کانہا ہوں گے لوگ وہاں کے رادھا ہوں گی بالائیں

پیار کی بنسی بجتی ہوگی ہر سمے ہر ٹھاؤں رے

لاج سے ہائے مر جاؤں گی میں مٹی میں گڑ جاؤں گی

جب سکھیاں مجھ کو چھیڑیں گی لے کر پی کا ناؤں رے

kaisa hoga des piya ka kaisa piya ka gaon re

kaisi hogi dhup wahan ki kaisi wahan ki chhaon re

chandi jaise per wahan ke hire moti phul-o-phal

sone ki pili dharti par rakhte honge paon re

pi pi papihe bolte honge kanon mein ras gholte honge

thumri hogi koyal ki ko kajri kaga ki kaun re

kanha honge log wahan ke radha hongi balaen

pyar ki bansi bajti hogi har samay har thaon re

laj se hae mar jaungi mein mitti mein gur jaungi

jab sakhiyan mujh ko chherengi le kar pi ka naun re