غرور ناز دکھا تجھ میں کتنا جوہر ہے

غرور ناز دکھا تجھ میں کتنا جوہر ہے

مرا خلوص بھی دریا نہیں سمندر ہے

پرکھ یہی ہے محبت کی آنچ دو اس کو

پگھل گیا تو وہ شیشہ ہے ورنہ پتھر ہے

خلا نورد کو یارو فراز منزل کیا

کہ اب تو اس کا ہر اک پر بجائے شہ پر ہے

عداوتوں کو فنا کر دیا محبت سے

مجاہدے میں محبت ہی اپنا خنجر ہے

ثبوت بیعت پیر حرم یہ ہے تو سہی

کہ آج تک کف دست رسا منور ہے

مجھے ضرورت غازہ نہیں کہ چہرے پر

مرے ضمیر کا جو رنگ ہے اجاگر ہے

ستارہ سحر آثار ہے جو اے غوثیؔ

غبار بستہ ابھی اس کا پیش منظر ہے

ghurur-e-naz dikha tujh mein kitna jauhar hai

mira khulus bhi dariya nahin samundar hai

parakh yahi hai mohabbat ki anch do us ko

pighal gaya to wo shisha hai warna patthar hai

khala naward ko yaro faraz manzil kya

ke ab to us ka har ik par bajae shah par hai

adawaton ko fana kar diya mohabbat se

mujahade mein mohabbat hi apna khanjar hai

subut-e-baiat pir-e-haram ye hai to sahi

ke aj tak kaf dast-e-rasa munawwar hai

mujhe zarurat ghaza nahin ke chehre par

mire zamir ka jo rang hai ujagar hai

sitara sahar asar hai jo ai ghausi

ghubar basta abhi us ka pesh manzar hai