شوخی ادا غرور شرارت خریدئیے

شوخی ادا غرور شرارت خریدئیے

چاندی اچھالیے تو قیامت خریدئیے

اسلاف کے نقوش کتابوں میں بند ہیں

بازار سے کسی کی شباہت خریدئیے

اٹکی ہوئی ہے روح پرانی تراش میں

کس دل سے عصر حال کی جدت خریدئیے

اہل جہاں کا اور بدلنے لگا مذاق

فکر و نظر بھی حسب ضرورت خریدئیے

ظاہر بہت حسین ہے باطن گھناؤنا

پچھتائیے گا آپ مجھے مت خریدئیے

قرآن کھولنے کی ضرورت نہیں رہی

بکتی ہے صبح و شام تلاوت خریدئیے

پک جائے گا تو آپ ٹپک جائے گا جناب

آنگن میں شاخ آئی ہے پھل مت خریدئیے

shokhi ada ghurur-e-shararat kharidiye

chandi uchhaliye to qayamat kharidiye

aslaf ke nuqush kitabon mein band hain

bazar se kisi ki shabahat kharidiye

atki hui hai ruh purani tarash mein

kis dil se asr hal ki jiddat kharidiye

ahl-e-jahan ka aur badalne laga mazaq

fikr-o-nazar bhi hasb-e-zarurat kharidiye

zahir bahut hasin hai batin ghinaona

pachhtaiyega ap mujhe mat kharidiye

quran kholne ki zarurat nahin rahi

bikti hai subh-o-sham tilawat kharidiye

pak jaega to ap tapak jaega janab

angan mein shakh ai hai phal mat kharidiye