خواب جو بھی بنا وہ بنا رہ گیا

خواب جو بھی بنا وہ بنا رہ گیا

عمر بیتی مگر بچپنا رہ گیا

عکس جتنے تھے سارے بدلتے رہے

آئنہ تو وہی آئنہ رہ گیا

دیکھ کر بادلوں کا امڑتا ہجوم

لب پہ سورج کے کچھ گنگنا رہ گیا

تو ملا تو مجھے یہ اچانک لگا

کیسے اب تک میں تیرے بنا رہ گیا

حاشیے پر پڑے ہم بھلا کیا کہیں

جب بھی جو بھی کہا ان سنا رہ گیا

khwab jo bhi bana wo bana rah gaya

umr biti magar bachpana rah gaya

aks jitne the sare badalte rahe

aina to wahi aina rah gaya

dekh kar badalon ka amrata hujum

lab pe suraj ke kuchh gunguna rah gaya

tu mila to mujhe ye achanak laga

kaise ab tak main tere bina rah gaya

hashiye par pare ham bhala kya kahen

jab bhi jo bhi kaha an suna rah gaya