ہوا جب کسی کی کہانی کہے ہے

ہوا جب کسی کی کہانی کہے ہے

نئے موسموں کی زبانی کہے ہے

فسانہ ہے جسموں کا بے شک زمینی

مگر روح تو آسمانی کہے ہے

تجھے چل ذرا سا میں میٹھا بنا دوں

سمندر سے دریا کا پانی کہے ہے

ڈسا رت جگوں نے ہے خوابوں کو پھر سے

سلگتی ہوئی رات رانی کہے ہے

لٹیں چند چاندی کی بخشیں تجھے جا

وداع لیتی مجھ سے جوانی کہے ہے

ہے چڑھنے لگی پھر سے ڈھلتی ہوئی عمر

تری شرٹ یہ زعفرانی کہے ہے

نئی بات ہو اب نئے گیت چھیڑو

گزرتی گھڑی ہر پرانی کہے ہے

hawa jab kisi ki kahani kahe hai

nae mausamon ki zabani kahe hai

fasana hai jismon ka be shak zamini

magar ruh to asmani kahe hai

tujhe chal zara sa main mitha bana dun

samundar se dariya ka pani kahe hai

dasa rut jagon ne hai khwabon ko phir se

sulagti hui rat rani kahe hai

luten chand chandi ki bakhshen tujhe ja

wida leti mujh se jawani kahe hai

hai charhne lagi phir se dhalti hui umr

tiri sharat ye zafrani kahe hai

nai bat ho ab nae git chhero

guzarti ghari har purani kahe hai