بات رک رک کر بڑھی پھر ہچکیوں میں آ گئی

بات رک رک کر بڑھی پھر ہچکیوں میں آ گئی

فون پر جو ہو نہ پائی چٹھیوں میں آ گئی

صبح دو خاموشیوں کو چائے پیتے دیکھ کر

گنگنی سی دھوپ اتری پیالیوں میں آ گئی

ٹرین اوجھل ہو گئی اک ہاتھ ہلتا رہ گیا

وقت رخصت کی اداسی چوڑیوں میں آ گئی

ادھ کھلی رکھی رہی یوں ہی وہ ناول گود میں

اٹھ کے پنوں سے کہانی سسکیوں میں آ گئی

چار دن ہونے کو آئے کال اک آیا نہیں

چپی موبائل کی اب بے چینیوں میں آ گئی

باٹ جو ہے تھک گئی چھت پر کھڑی جب دوپہر

شام کی چادر لپیٹے کھڑکیوں میں آ گئی

رات نے یادوں کی ماچس سے نکالی تیلیاں

اور اک سگریٹ سلگی انگلیوں میں آ گئی

bat ruk ruk kar barhi phir hichkiyon mein a gai

fon par jo ho na pai chitthiyon mein a gai

subh do khamoshiyon ko chae pite dekh kar

gingini si dhup utri piyaliyon mein a gai

taren ojhal ho gai ik hath hilta rah gaya

waqt-e-rukhsat ki udasi chauriyon mein a gai

adh khuli rakhi rahi yun hi wo nawil god mein

uth ke pannon se kahani siskiyon mein a gai

char din hone ko ae kal ik aya nahin

chapi mobail ki ab be chiniyon mein a gai

bat jo hai thak gai chhat par khari jab dopahar

sham ki chadar lapete khirkiyon mein a gai

rat ne yadon ki machis se nikali teliyan

aur ik sigret sulgi ungliyon mein a gai