بس گئی ہے رگ رگ میں بام و در کی خاموشی

بس گئی ہے رگ رگ میں بام و در کی خاموشی

چیرتی سی جاتی ہے مجھ کو گھر کی خاموشی

صبح کے ابھرنے سے شام کے اترنے تک

کتنی جان لیوا ہے دوپہر کی خاموشی

چل رہی تھی جب میرے گھر کے جلنے کی تفتیش

دیکھنے کے قابل تھی شہر بھر کی خاموشی

کاٹ لی ہیں تم نے تو ٹہنیاں سبھی لیکن

سن سکو جو کہتی ہے چپ شجر کی خاموشی

توڑ بھی دو چپی کو روٹھنے کو تج ڈالو

ہو گئی ہے پربت سی بات بھر کی خاموشی

پڑ گئی ہے عادت اب ساتھ تیرے چلنے کی

بن ترے کٹے کیسے یہ سفر کی خاموشی

bas gai hai rag rag mein bam-o-dar ki khamoshi

chirti si jati hai mujh ko ghar ki khamoshi

subh ke ubharne se sham ke utarne tak

kitni jan lewa hai dopahar ki khamoshi

chal rahi thi jab mere ghar ke jalne ki taftish

dekhne ke qabil thi shahr bhar ki khamoshi

kat li hain tum ne to tahniyan sabhi lekin

sun sako jo kahti hai chup shajar ki khamoshi

tor bhi do chapi ko ruthne ko taj dalo

ho gai hai parbat si bat bhar ki khamoshi

par gai hai adat ab sath tere chalne ki

bin tire kate kaise ye safar ki khamoshi