دھوپ لٹا کر امبر جب کنگال ہوا

دھوپ لٹا کر امبر جب کنگال ہوا

چاند اگا کر پھر سے مالا مال ہوا

سانجھ پھسل کر ڈیوڑھی پر آ لٹکی ہے

آنگن سے چوبارے تک سب لال ہوا

یاد وہیں ٹھٹھکی ہے جہاں تم چھوڑ گئے

لمحہ دن سپتاہ مہینہ سال ہوا

دھوپ اٹک کر بیٹھا گئی ہے چھجے پر

اوسارے کا اٹھنا آج محال ہوا

چن چن کر وہ دیتا تھا ہر درد مجھے

چوٹ لگی جب خود کو تو بے حال ہوا

کل تک جو دیتا تھا اتر پرشنوں کا

آج وہی الجھا سا ایک سوال ہوا

چھٹپن میں جس کی سنگت تھی چین مرا

عمر بڑھی تو وہ جی کا جنجال ہوا

dhup luta kar ambar jab kangal hua

chand uga kar phir se mala mal hua

sanjh phisal kar dewrhi par a latki hai

angan se chaubare tak sab lal hua

yad wahin thithki hai jahan tum chhor gae

lamha din saptah mahina sal hua

dhup atak kar baitha gai hai chhije par

osare ka uthna aj muhal hua

chun chun kar wo deta tha har dard mujhe

chot lagi jab khud ko to be hal hua

kal tak jo deta tha utar pirashnon ka

aj wahi uljha sa ek sawal hua

chhutpan mein jis ki sangat thi chain mira

umr barhi to wo ji ka janjal hua