ہیں جتنی پرتیں یہاں آسمان میں شامل

ہیں جتنی پرتیں یہاں آسمان میں شامل

سبھی ہوئیں مری حد کی اڑان میں شامل

بڑھا ہے شہر میں رتبہ ذرا ہمارا بھی

ہوئے ہیں جیسے ہم ان کے بیان میں شامل

اچھال یوں ہی نہیں بڑھ گئی ہے لہروں کی

ندی کا زور بھی ہے کچھ ڈھلان میں شامل

دھواں غبار پرندے تپش گھٹن خوشبو

ہیں بوجھ کتنے ہوا کی تھکان میں شامل

تھیں قسط جتنی بھی خوابوں کی بے حساب پڑی

کیا ہے نیند نے سب کو لگان میں شامل

سنا ہے نام سے تیرے ہیں بکتے افسانے

مجھے بھی کر لے کبھی داستان میں شامل

ذرا سی دوستی کی ہم سے قافیوں نے کیا

کیا غزل نے ہمیں خاندان میں شامل

hain jitni paraten yahan asman mein shamil

sabhi huin miri had ki uran mein shamil

barha hai shahr mein rutba zara hamara bhi

hue hain jaise ham un ke bayan mein shamil

uchhal yun hi nahin barh gai hai lahron ki

nadi ka zor bhi hai kuchh dhalan mein shamil

dhuan ghubar parinde tapish ghutan khushbu

hain bojh kitne hawa ki thakan mein shamil

thin qist jitni bhi khwabon ki be hisab pari

kya hai nind ne sab ko lagan mein shamil

suna hai nam se tere hain bikte afsane

mujhe bhi kar le kabhi dastan mein shamil

zara si dosti ki ham se qafiyon ne kiya

kiya ghazal ne hamen khandan mein shamil