زندگی سے عمر بھر تک چلنے کا وعدہ کیا

زندگی سے عمر بھر تک چلنے کا وعدہ کیا

اے مری کمبخت سانسو ہائے تم نے کیا کیا

ابتدائے ہوش سے اچھا بھلا پتھر تھا میں

اک نظر بس دیکھ کر تو نے مجھے دریا کیا

ایک بس خاموش سے لمحہ کی خواہش ہی تو تھی

اور اسی خواہش نے لیکن شور پھر کتنا کیا

لطف اب دینے لگی ہے یہ اداسی بھی مجھے

شکریہ تیرا کہ تو نے جو کیا اچھا کیا

سوچتا ہوں کون سے الزام اور اب رہ گئے

ہاں تجھے چاہا تجھے پوجا ترا سجدا کیا

دی نہیں تصویر اپنی تو نے دیوانے کو جب

یوں کیا واللہ اس نے خود کو ہی تجھ سا کیا

کب تلک آخر یہ سہتی رہتی خوابوں کی تپش

تنگ آ کر نیند نے پلکوں سے لو توبہ کیا

zindagi se umr bhar tak chalne ka waada kiya

ai miri kambakht sanso hae tum ne kya kiya

ibtida-e-hosh se achchha bhala patthar tha main

ik nazar bas dekh kar tu ne mujhe dariya kiya

ek bas khamosh se lamha ki khwahish hi to thi

aur isi khwahish ne lekin shor phir kitna kiya

lutf ab dene lagi hai ye udasi bhi mujhe

shukriya tera ke tu ne jo kya achchha kya

sochta hun kaun se ilzam aur ab rah gae

han tujhe chaha tujhe puja tira sajda kiya

di nahin taswir apni tu ne diwane ko jab

yun kiya wallah us ne khud ko hi tujh sa kiya

kab talak akhir ye sahti rahti khwabon ki tapish

tang a kar nind ne palkon se lo tauba kiya