بپھرے دریا کی روانی سے نکل آئے ہیں

بپھرے دریا کی روانی سے نکل آئے ہیں

ہم بنا بھیگے ہی پانی سے نکل آئے ہیں

شکر ہے اتنے سمجھ دار ہوئے ہیں بچے

راجا رانی کی کہانی سے نکل آئے ہیں

آئنہ دیکھ کے حیران ہوا ہے کیا کیا

آنکھ جھپکی تو جوانی سے نکل آئے ہیں

کینہ رکھ کر تو ملا کرتا تھا ہم سے اکثر

ہم تری چرب زبانی سے نکل آئے ہیں

سن لے اے ہم کو تن آسان سمجھنے والے

ہم دبے پاؤں کہانی سے نکل آئے ہیں

ہم کہ ہجرت کے عذابوں سے گزرنے والے

آخرش نقل مکانی سے نکل آئے ہیں

آپ کے نقش مٹانے کی سعی لا حاصل

آپ پھر میری کہانی سے نکل آئے ہیں

زندگی اب نئی الجھن میں نہ الجھا ہم کو

ہم تری شعلہ بیانی سے نکل آئے ہیں

کس طرح آئے یقیں اب تری باتوں پہ غزلؔ

ہم تری شوخ بیانی سے نکل آئے ہیں

biphre dariya ki rawani se nikal ae hain

ham bana bhige hi pani se nikal ae hain

shukr hai itne samajh dar hue hain bachche

raja rani ki kahani se nikal ae hain

aina dekh ke hairan hua hai kya kiya

ankh jhapki to jawani se nikal ae hain

kina rakh kar to mila karta tha ham se aksar

ham tiri charb zabani se nikal ae hain

sun le ai ham ko tan asan samajhne wale

ham dabe paon kahani se nikal ae hain

ham ke hijrat ke azabon se guzarne wale

akhirash naql-e-makani se nikal ae hain

ap ke naqsh mitane ki sai-e-la hasil

ap phir meri kahani se nikal ae hain

zindagi ab nai uljhan mein na uljha ham ko

ham tiri shola bayani se nikal ae hain

kis tarah ae yaqin ab tiri baton pe ghazal

ham tiri shokh bayani se nikal ae hain