غیروں کی بستیوں میں رہنے کو آ رہے ہیں

غیروں کی بستیوں میں رہنے کو آ رہے ہیں

اس دل کو چھوڑ کر ہم دنیا بنا رہے ہیں

سکھیاں سہیلیاں وہ گزرا جہاں لڑکپن

بیٹھے بٹھائے اب کیوں سب یاد آ رہے ہیں

روزی کی جستجو میں اپنوں کو چھوڑ چلنا

ماضی کے سارے منظر آنکھوں پہ چھا رہے ہیں

روکا تھا سب نے ہم کو لیکن نہ رک سکے ہم

اب اجنبی زمیں کے دکھ راس آ رہے ہیں

آنکھوں پہ چھا رہی ہے برکھا گئے دنوں کی

گزرے دنوں کے قصے پھر دل جلا رہے ہیں

مٹی کی سوندھی خوشبو پھر یاد آ رہی ہے

ملہار وہ رتوں کے خود کو سنا رہے ہیں

خوشیوں سے خود کو کتنی محروم کر لیا ہے

پردیس میں غزلؔ کیوں ہم رنج اٹھا رہے ہیں

ghairon ki bastiyon mein rahne ko a rahe hain

is dil ko chhor kar ham duniya bana rahe hain

sakhiyan saheliyan wo guzra jahan larakpan

baithe bithae ab kyun sab yad a rahe hain

rozi ki justuju mein apnon ko chhor chalna

mazi ke sare manzar ankhon pe chha rahe hain

roka tha sab ne ham ko lekin na ruk sake ham

ab ajnabi zamin ke dukh ras a rahe hain

ankhon pe chha rahi hai barkha gae dinon ki

guzre dinon ke qisse phir dil jala rahe hain

mitti ki sondhi khushbu phir yad a rahi hai

malhar wo ruton ke khud ko suna rahe hain

khushiyon se khud ko kitni mahrum kar liya hai

pardes mein ghazal kyun ham ranj utha rahe hain