کھلا یہ آدم و ابلیس کے فسانے سے

کھلا یہ آدم و ابلیس کے فسانے سے

کہ یہ جہان بنا ہے فریب کھانے سے

بڑی عجیب تھیں خوش فہمیاں زمانے سے

کہ خوش ہوئے تھے نشیمن جلائے جانے سے

اسیر ہو کے بھی یہ راز آج تک نہ کھلا

قفس کو کون سی نسبت ہے آشیانے سے

تمام مقصد تخلیق خاک ہو جاتا

گریز کرتے اگر ہم فریب کھانے سے

ہم اہل ذوق ہیں ہم کو نہ ٹوک اے ناصح

کہ اور بھٹکیں گے ہم راستہ بتانے سے

ذرا سی بات کہ ہم نے فریب کھایا تھا

فسانہ بن گیا یہ حاشیہ چڑھانے سے

جو اپنے نفس کی عزت کا پاس کرتے ہیں

شکست وہ نہیں کھاتے کبھی زمانے سے

khula ye adam-o-iblis ke fasane se

ke ye jahan bana hai fareb khane se

bari ajib thin khush fahmiyan zamane se

ke khush hue the nasheman jalae jane se

asir ho ke bhi ye raz aj tak na khula

qafas ko kaun si nisbat hai ashiyane se

tamam maqsad takhliq khak ho jata

gurez karte agar ham fareb khane se

ham ahl-e-zauq hain ham ko na tok ai naseh

ke aur bhatkenge ham rasta batane se

zara si bat ke ham ne fareb khaya tha

fasana ban gaya ye hashiya charhane se

jo apne nafas ki izzat ka pas karte hain

shikast wo nahin khate kabhi zamane se