پہلے میرے پاؤں میں زنجیر عصیاں دیکھیے

پہلے میرے پاؤں میں زنجیر عصیاں دیکھیے

پھر تماشائے طلسم بزم امکاں دیکھیے

خون دل خون جگر کا نقش عریاں دیکھیے

اپنے منہ سے کیا کہوں رنگ گلستاں دیکھیے

اور سب کچھ ہے یہاں انسانیت مفقود ہے

اب تصور میں فقط انساں کو انساں دیکھیے

طور ہو یا عرش دونوں ہی دل انساں میں ہیں

اس کو اپنی ذات میں نزد رگ جاں دیکھیے

چاند پر ڈالے کمندیں اور خود سے بے خبر

دیکھیے کوتاہیٔ ادراک انساں دیکھیے

آگ میں گر جائیے محکم اگر ایمان ہے

اور پھر شعلوں میں انداز گلستاں دیکھیے

بے کسی میں ترجمان حال دل ہوتا ہے غم

میری خاموشی ہے افسانے کا عنواں دیکھیے

pahle mere paon mein zanjir isyan dekhiye

phir tamasha-e-tilism-e-bazm-e-imkan dekhiye

khun-e-dil khun-e-jigar ka naqsh uryan dekhiye

apne munh se kya kahun rang-e-gulistan dekhiye

aur sab kuchh hai yahan insaniyat mafqud hai

ab tasawwur mein faqat insan ko insan dekhiye

tur ho ya arsh donon hi dil-e-insan mein hain

us ko apni zat mein nazd-e-rag-e-jan dekhiye

chand par dale kamanden aur khud se be khabar

dekhiye kotahi-e-idrak-e-insan dekhiye

ag mein gar jaiye mohkam agar iman hai

aur phir sholon mein andaz-e-gulistan dekhiye

be kisi mein tarjuman-e-hal-e-dil hota hai gham

meri khamoshi hai afsane ka unwan dekhiye